Sunday, October 9, 2011

സ്വപ്ന തീരത്തിലൂടെ ......



വൈവിധ്യങ്ങളാല്‍  ,ഇണക്കി ചേര്‍ത്ത മനോഹര തീരം  യു .എ .ഇ ... സ്വാതന്ത്ര്യത്തിന്റെ  സര്‍വ്വ വാതായനങ്ങളും തുറന്നിട്ട മായാ ലോകം ...അംബര ചുംബികളായ കെട്ടിട സമുച്ചയങ്ങള്‍ ഇനിയും വളരനായ് മത്സരിക്കുന്ന കാഴ്ച ..സന്ദര്‍ശകരെ എങ്ങനെ ഒക്കെ ആനന്ദിപ്പിക്കാം  എന്നാ മാത്സര്യ ബുദ്ധിയോടെ വിഭാവനം ചെയ്ത അലങ്കാര മോടികള്‍..കടലിന്നൊപ്പം, കരയോടും  കിന്നാരമോതുന്ന  ബുര്‍ജുല്‍ അറബും .പേരിലൂടെ ഒരു നൊമ്പരം  നിലനിര്‍ത്തും ബുര്‍ജ്  ഖലീഫയും;  മേയ് വഴക്കമുള്ളൊരു സുന്ദര നര്‍ത്തകിയെ വെല്ലും ജല നൃത്തവും... കണ്ടു മതിവരാതെ ഓരോ കാഴ്ചകളില്‍ നിന്നും കണ്ണിനെ മടക്കി വിളിക്കേണ്ടി വന്ന ദിനങ്ങള്‍ ..
എരി പൊരിയുന്ന വെയിലിലും ഇടക്ക്ക്ക് സ്നേഹത്തോടെ തലോടുന്ന ഒരു ചെറു കാറ്റിനെ മോഹിച്ചു ആ  തെരുവോരങ്ങളില്‍ അലിയാന്‍ കഴിഞ്ഞത്  ശ്വസിക്കാന്‍ പഠിച്ച വൃത്തി കൈമുതലായ പ്രകൃതി ആയിരുന്നു ..കണിശമായ നിയമങ്ങള്‍  വന്‍പിഴയുടെ രൂപത്തില്‍ സഹ ജീവികളെ അനുസരണ പഠിപ്പിക്കുന്ന നാട് ...


തിരക്കേറിയ തെരുവോരങ്ങള്‍ ഒരു വശത്തേക്ക് നാണിച്ചു മാറിനില്‍ക്കും പോലെ ചിന്തിപ്പിക്കുന്ന നയിഫ് സൂകും,മീന ബസാറും..  വിലപേശി തകര്‍ക്കുന്ന കച്ചവട തെരുവുകള്.. തിരയുടെ കുസൃതിക്കൊപ്പം എല്ലാം മറന്നു അല്‍പ്പ നേരം രസിച്ചിരിക്കാന്‍ അനുയോജ്യമായ കടലോരങ്ങള്.. റിയാദിന്റെ നിഷ്ടാപരമായ ജിവിത സാഹചര്യങ്ങളില്‍ നിന്നും  യു  എ ഇ  ദിനങ്ങള്‍ മന്സ്സിന്നെകിയത്;കിളികൂടിന്റെ അമരും ചുവരുകള്‍ക്കുള്ളില്‍ നിന്നും ആകാശ വേഗങ്ങളിലേക്ക് ആവേശത്തോടെ പറന്നുയരുന്ന ഒരു പക്ഷിയുടെ സ്വാതന്ത്ര്യ ബോധമായിരുന്നു ...
ആഥിതേയത്വം അരുളാനും.. സര്‍വ തിരക്കുകളില്‍ നിന്നും അകന്നു ഒപ്പംകൂട്ടി യു എ ഇ എന്നാ സുന്ദരിയുടെ അംഗ ലാവണ്യങ്ങള്‍,ആവോളം ആസ്വദിക്കാന്‍ വളരെയേറെ തുണച്ചത്  സ്നേഹിക്കാന്‍ മാത്രം അറിയാവുന്ന കുറച്ചു രക്ത ബന്ധങ്ങള്‍ .കൂടെ അവരുടെ സ്ഥിരോത്സാഹം നിറഞ്ഞ പ്രകൃതവും ..
                                                                                                                                        കാലങ്ങളോളം മുഖം അറിയാതെ സന്തോഷവും സന്താപവും ഒരുപോലെ പങ്കു വെച്ച സൌഹൃദത്തിന്റെ ചൂടും ചൂരും പകര്‍ന്ന ഏതാനും സുഹൃത്ത് ബന്ധങ്ങള്‍ ..സ്നേഹത്തിന്‍ ചൂട് പകര്‍ന്ന  നിമിഷങ്ങള്... മുഖപുസ്തകത്തിലെമനസറിഞ്ഞസുഹൃത്ത് സംഗമം;  ആഥിതേയത്വം   അരുളി സ്നേഹത്തില്‍ വീര്‍പ്പുമുട്ടിച്ച ആമീ  ;കൂട്ടത്തില്‍ ചിരി മുഴക്കി ചിരിക്കുടുക്കയെന്നു പേര് വീണ മിനി ചേച്ചു;  കുസൃതി കൊണ്ട്  കുഞ്ഞുങ്ങളെ   തോല്‍പ്പിച്ച   അംബി  .. ചുരുങ്ങിയ കാലം കൊണ്ട് എത്രത്തോളം ആഴത്തില്‍ സൌഹൃദത്തെ നെഞ്ചില്‍  വളര്‍ത്താം  എന്ന് പഠിപ്പിച്ച സ്നേഹ നിധിയായ ഷബു ;തികച്ചും അവിചാരിതമായി  ഒപ്പം കൂടിയ അരൂസ് ..ഒത്തു കൂടലിന്നു, മേള കൊഴുപ്പ് കൂടാന്‍ മറ്റെന്തു വേണം ....സര്‍വോപരി സ്നേഹ സംഗമതിന്നു  വഴി ഒരുക്കി സര്‍വ പിന്തുണയും തന്ന   നല്ല പാതികള്‍ ;-അവരുടെ മനസ്സായിരുന്നു സര്‍വ  നന്മകള്‍ക്കും മുകളില്‍ ആയിരുന്നത് ....അമ്മ കിളികളുടെ സൌഹൃദതിന്മേല്‍  മേല്‍ സര്‍വതും മറന്നു കളിച്ചു-കൂട്ടുകൂടി മതി വരാതെയാണ് കുരുന്നുകള്‍ പിരിഞ്ഞതും ..സ്വപ്ന തീര യാത്രയുടെ മറക്കാനാകാത്ത നിമിഷങ്ങളായ് ഈ സ്നേഹ സംഗമം മാറി .....                                                                                                                                                   


ഒഴുകും പാലന്നരികിലൂടെ മെല്ലെ ഒഴുകി ഒഴുകി  ഒരു നിശാ യാത്ര ..ഓളം തല്ലുന്ന, കുഞ്ഞലകള്‍ക്കും ;അളകങ്ങള്‍ ഇളക്കുന്ന കുഞ്ഞി കാറ്റിന്‍ കുസൃതിക്കുമോപ്പം അലിഞ്ഞു ഒരു നാഴിക നേരം പ്രിയപ്പെട്ടവരുടെ കൂടെ.. പകല്‍ വെളിച്ചത്തില്‍ കാണുന്നതിനെക്കാള്‍ പതിന്‍ മടങ്ങ്‌ മനോഹരിയായിരുന്നു നിയോണ്‍ ലാമ്പുകളുടെ സുഖദമായ വെളിച്ചത്തില്‍ ഓള പ്പരപ്പുകള്‍ക്ക്  മേല്‍  ദുബായ് എന്നാ മോഹിനി ...                                                                                             


കടല്‍ അമ്മയോട്    കടം വാങ്ങി പണിത ഒരു ചെറു ആഴിയിലെ അഗാധതയില്‍  കൂടിയൊരു യാത്ര  .. ആ നീലിമയില്‍ നിറയെ  സ്വാതന്ത്ര്യം  കൊതിച്ചു  കൂട്ടിലടക്കപ്പെട്ട  കുറെ ജല ജീവികള്‍ കൌതുക കാഴ്ചകളായി ജീവിച്ചു പോകുന്നു ..അതിന്നിടയില്‍ ജീവിതത്തിന്റെ അറ്റങ്ങള്‍ കൂടിചെര്‍ക്കാന്‍ പാടുപെടുന്ന കുറച്ചു  മനുഷ്യ ജന്മങ്ങളും ..കൌതുകം ഉണര്‍ത്തുന്ന കാഴ്ചയെങ്കിലും തളര്‍ന്നു അടിത്തട്ടില്‍ ഇരിക്കുന്ന ഒരു ചുറ്റിക തലയന്‍ മീനിന്റെ കണ്ണിലെ നിസ്സഹായത അനന്ത   വിശാലമായ ആഴിയുടെ അഗാധതയോളം അഴല്‍ നിറഞ്ഞതാണെന്ന്  തോന്നി .                                      കണ്ടിട്ടും കേട്ടിട്ടും ഇല്ലാത്ത നിരവധി ജീവി വര്‍ഗങ്ങള്‍ കുഞ്ഞുങ്ങള്‍ക്ക്‌ ഒരല്പ്പ ഭയതിനോപ്പം കൌതുകകാഴ്ചയായി  ..                                                                                                                                                          നാഴികകള്‍  മാത്രം വഴി നീളുന്ന അല്‍ ഐന്‍" ഏകിയ  നനുത്ത കുളിരുള്ള കാറ്റും ;സുഖദമായ കാലാവസ്ഥയും വശ്യ മനോഹരമായ പച്ചപ്പും ;മനസ്സില്‍മുറിവ് ഏകി നില്‍ക്കുന്ന ഗൃഹാതുരതയെ തൊട്ടു ഉണര്‍ത്തി  .....ജബലുല്‍ അഫീത് എന്നാ ഭീമാകാരനായ മല നില ഏറെ ഹൃദയവും ;സാഹസികവും ആയ നിമിഷങ്ങളെ പ്രദാനം ചെയ്തു അതിന്റെ നെറുകയില്‍ നിന്നും താഴേക്കുള്ള കാഴ്ച വശ്യ മനോഹരം തന്നെയായിരുന്നു ..
അതി കഠിനമായ ചൂട്  മണല്‍ ആരണ്യ   യാത്രയെ  പിന്നീടു എപ്പോഴേക്കെങ്കിലും  എന്ന ആശ്വാസത്തില്‍ മാറ്റി വെപ്പിച്ചു ...അലങ്കരിച്ചൊരുക്കിയ വിവധതരം മാളുകള്‍ തന്നെ മുഖ്യ ആകര്‍ഷണം..
ആഴി തന്‍ മാറ്  തുരന്നോ; പിളര്ന്നോ  തീര്‍ത്ത ഷാന്‍ഗായി ടണല്‍ കണ്ട മാത്രയില്‍ ചിന്തകളില്‍ കൂട്ടായത് ആ ആശയം വിരിഞ്ഞ തല ചോറിന്റെ    ഉടമയെ കുറിച്ചായിരുന്നു ...
ഭൂഗര്‍ഭത്തിന്റെ  മരവിപ്പിക്കും  നിഗൂഡതയിലും ; ഗര്‍വ്വു നിറയ്ക്കും ഉയരങ്ങളിലൂടെയും മെട്രോ വഴി ഒരു യാത്ര തികച്ചും ആസ്വാദ്യകരമായിരുന്നു ..നയിക്കാന്‍ തേരാളിയില്ലാത്ത രഥം ആയിരുന്നു അതെന്നറിയാന്‍  ഒട്ടൊന്നു വൈകി എന്നാല്‍ കൃത്യ നിഷ്ഠയോടെ ;ലക്ഷ്യ ബോധത്തോടെ മുന്നോടുള്ള പ്രയാണം ഏറെ ആസ്വാദ്യകരമായിരുന്നു ; .....ജോലിതിരക്കുകളില്‍ നിന്നും  മോചിതരായ്  കൂടണയാന്‍ യാത്ര ചെയ്തിരുന്നവരുടെ ഇടയില്‍ വിനോദത്തിന്റെ മേല്‍ വസ്ത്രം അണിഞ്ഞു  ചുറു ചുറു ക്കോടെ ഉള്ള ഒരു യാത്ര .ഒരു ഫണ്‍  റൈഡ് പോലെ......ഏറെ അത്ഭുതപ്പെടുത്തിയ കാഴ്ച മനുഷ്യ മാംസതിന്നു പരസ്യമായി വിലപേശുന്ന  തെരുവോരങ്ങള്‍  ആയിരുന്നു ഈ കാഴ്ചകള്‍ അല്‍പ്പ നേരത്തേക്കെങ്കിലും  സിരകളില്‍ തണുത്തുറഞ്ഞ മരവിപ്പിനെ പടര്‍ത്തിയത്, ഒട്ടൊരു വേദനയോടെ ആണ് തിരിച്ചറിഞ്ഞത് ....                                                                                                                                                                            അബുദാബിയിലേക്കുള്ള യാത്രയില്‍ പ്രധാനം ഷെയ്ഖ് സായിദ് ഗ്രാന്‍ഡ്‌  മോസ്ക്   ആയിരുന്നു ;പ്രാര്‍ത്ഥനാ നിര്‍ഭരമായ നിമിഷങ്ങളെക്കള്‍..അലങ്കാര മോടികലാല്‍ അലങ്കൃതമായ ഒരു വിനോദ സഞ്ചാര കേന്ദ്രം!! മുറിവേറ്റു വേര്‍പെടാത്ത അമൂല്യങ്ങളായ പരവതാനിയും ;അലങ്കാര ദീപവും .അതി വിശാലമായ നടുത്തളവും ;കൊത്തു പണികളാല്‍ അലങ്കൃതമായ  വിശാല ചുമരും ഒക്കെയായി ....മറീന ബീച് കളിച്ചു തിമിര്‍ത്തു മുതലെടുത്ത്‌ കുട്ടി കൂട്ടങ്ങള്‍ ..കൂടെ മറീന മാളിലെ   വിസ്മയ കാഴ്ചകളും ഷോപ്പിങ്ങും ...                                                                                                                                                           
കീശ കാലിയക്കാനുള്ള കിടിലന്‍ മാളുകളും ..കച്ചവട കേന്ദ്രങ്ങളും ..അതില്‍ ഒട്ടുമിക്കവയും കൌതുക കാഴ്ചയില്‍ നിന്നും വിട്ടു കളയാതെ  ചുറ്റി തിരിഞ്ഞു കണ്ടു തീര്‍ത്തു ..കണ്ട കാഴ്ചകള്‍ക്ക് അപ്പുറവും നിറഞ്ഞ    കാണാ കാഴ്ചകള്‍...കണ്ടു മുഴുപ്പിക്കാത്ത കാഴ്ചകള്‍ക്കായി ഇനിയും ആ സ്വപ്ന ഭൂമിയിലേക്ക്‌;പൂരങ്ങളുടെ നാളുകളില്‍ വരണം എന്ന വാഗ്ദത്വത്തോടെ ഒരുമിച്ചു കഴിഞ്ഞ കുറെ നല്ല  നാളുകളിലെ ഓര്‍മ്മകള്‍ ബാക്കിയാക്കി പ്രിയപ്പെട്ടവര്‍   യാത്രാ   മൊഴി  ഏകി.. തിരികെ എന്നെങ്കിലും വരാമെന്ന വാഗ്ദത്വത്തോടെ ഞങ്ങളും ....!!

5 comments:

Unknown said...

ഗുൽനാർ...ചെറുതെങ്കിലും നല്ല വിവരണം..കമ്പോസിംഗ് അല്പം കൂടി മെച്ചപ്പെടുത്തുകയാണെങ്കിൽ വായിക്കുവാൻ കൂടുതൽ എളുപ്പമാകുമെന്ന് തോന്നുന്നു....ആശംസകൾ

mayilpeili said...

നല്ലൊരു യാത്രവിവരണം നിഖില.....മനോഹരമായി പറഞ്ഞിരിക്കുന്നു......നന്മകൾ...!!

ഗുല്‍നാര്‍ said...

തിരുത്തലിന്നും; മറു വാക്കിന്നു നന്ദി ;തീര്‍ച്ചയായും ..@Shibu Thovala

ഗുല്‍നാര്‍ said...

സ്നേഹം ;നന്മകള്‍ @mayilpeli

koseth said...

oru kochu yathra vivaranam........athum valare akrashakamayee.....ella asamsakalum...ponnoose.............